२७ वर्षीय चतुर खेलाडी रोबर्टो अल्भाराडो, जसलाई मेक्सिकोमा 'पिओजो' भनिन्छ, मिडफिल्ड र अट्याक दुवै सम्हाल्न सक्ने 'युटिलिटी प्लेयर' हुन् । सन् २०१८ मा डेब्यू गरेका अल्भाराडोको यो दोस्रो विश्वकप हो । चिभास क्लबका यी स्टार खेलाडी राइट विङ्क, लेफ्ट विङ्क र अट्याकिङ मिडफिल्ड जुनसुकै स्थानमा पनि फिट हुन्छन् । उनको सन्तुलन, बल नियन्त्रण र छोटो पास खेल्ने शैलीका कारण प्रशिक्षकले खेलको रणनीति परिवर्तन गर्दा उनलाई बढी प्रयोग गर्छन् ।