२०७२ माघ १३ गते १८:४० 
१३ माघ, काठमाडौं । नेपाल जुडो संघको अध्यक्षमा दीपकहर्ष वज्राचार्य लगातार तेश्रोपटक निर्विरोध निर्वाचित भएका छन् ।
संघको पाँचौं साधारणसभाले संस्थापक महासचिव वज्राचार्यको अध्यक्षतामा २० सदस्यीय केन्द्रीय कार्यसमिति समेत निर्विरोध चयन गरेको छ ।
वरिष्ठ उपाध्यक्षमा खड्गबहादुर दाहाल तथा उपाध्यक्षमा सुदेव महत, पीयूष श्रेष्ठ, रमेश महर्जन र बाबुराजा महर्जन रहेका छन् । अघिल्ला कार्यसमितिका सचिव धर्मकुमार श्रेष्ठ महासचिवमा पदोन्नती भए ।
सूर्यनारायण श्रेष्ठले उपमहासचिव, हेमराज भण्डारीले सचिव, विपिनप्रसाद श्रेष्ठले कोषाध्यक्ष तथा दिनेश आचार्यले कोषाध्यक्षको जिम्मेवारी पाए । सुरजकाजी डोटेल, मनोजबहादुर केसी, माधवराज अधिकारी, धर्मरत्न पाछै, प्रमोदप्रसाद नेपाल, रामकृष्ण विसी, विष्णुबहादुर गुरुङ, ओलम्पियन ऋषिराम प्रधान तथा गंगाबहादुर डंगोल सदस्यमा निर्विरोध बने ।
राजेश श्रेष्ठ, पदमबहादुर बुढाथोकी, तेजेन्द्र थापा, ओलम्पियनद्वय इन्द्र डंगोल र देबु थापा, पृथ्वी आलोक तथा चन्द्र डंगोल सदस्यमा मनोनित भए । जुडो मुख्य प्रशिक्षक वीरेन्द्र रन्जितलाई पदेन सदस्यमा मनोनित भए । त्यस्तै सिद्दिबहादुर शाक्य, धर्मशीला चापागाईं, हरिप्रसाद श्रेष्ठ, लक्ष्मीरत्न तुलाधर र शैलेन्द्रमान श्रेष्ठ सल्लाहकारमा चयन भए ।
प्रतिक्रिया 4