२०७३ वैशाख १७ गते १८:२० 
१७ वैशाख, काठमाडौं । नेपाल क्रिकेट संघ क्यानको निर्वाचित समूहले अब कसरी अघि बढ्ने भन्नेबारे सरकारको प्रस्ताव माग गरेको छ ।
अन्तराष्ट्रिय क्रिकेट काउन्सिल (आईसीसी) ले यसैसाता नेपाल क्रिकेट संघलाई निलम्बन गरेको थियो ।
क्यानको निर्वाचित कमिटीले शुक्रबार पत्रकार सम्मेलन गरेर आफ्नो धारणा सार्वजनिक गरेको छ । उसले आफूले अहिलेसम्म गरेको कामको फेहरिस्ता प्रस्तुत गर्दै सरकार र राखेपले सहकार्य नगरेको र निलम्बन पर्न सक्ने चेतावनीलाई गम्भीर रुपमा नलिएको आरोप लगाएको छ ।
आईसीसीले क्यानलाई निलम्बन गरिसकेको भन्दै निर्वाचित कमिटीको अवको विकल्पमा आफूहरु खुला रहेको बताएको छ । तर, राष्ट्रिय खेलकुद परिषद्का सदस्य सचिवले भने जस्तो मुद्धा फिर्ता लिएर पछि हट्ने पक्षमा भने नरहेको बताएको छ ।
महासचिव अशोकनाथ प्याकुरेलले भने, ‘हामी सवै विकल्पमा खुला छौं । तर, डेमोक्रेटिक भ्यालु, क्यानको विधिवत प्रक्रियालाई तिलान्जली लिएर २/४ जना मिलौं र भागवण्डा गरौं र खाऔं भन्ने पक्षमा छैनौं ।’
प्रतिक्रिया 4