२०७८ साउन २४ गते १२:०४ 
२४ साउन, काठमाडौं । नेपाली राष्ट्रिय क्रिकेट टिमको स्ट्रेन्थ एण्ड कन्डिसनिङ कोचमा भारतका राकेशकुमार काशिभाइ गोहिल नियुक्त भएका छन् ।
नेपाल क्रिकेट संघ (क्यान)ले आइतबार राकेशलाई उक्थ पदमा नियुक्त गरिएको जनाएको छ । क्यानले आवेदन दिएका ३८ जनाबाट राकेशलाई छनोट गरेको हो ।
क्यानले गत असार ३० गते यस पदका लागि आवेदन गरेको थियो ।
राकेश अष्ट्रेलियन स्ट्रेन्थ एण्ड कन्डिसनिङ एशोसिएसनाट लेभल-२ कोर्स उत्तीर्ण फिटनेस प्रशिक्षक हुन् ।
राकेशसँग भारतको नेसनल क्रिकेट एकेडेमी र विभिन्न रणजी टिमसँग काम गरेको अनुभव रहेको छ ।
आगामी सेप्टेम्बरमा ओमानमा हुने आईसीसी विश्वकप क्रिकेट लिग २ अन्तर्गत नेपाल, ओमान र अमेरिका सम्मिलित त्रिकोणात्मक सिरिजको लागि प्रशिक्षणमा रहेको नेपाली टोलीमा राकेश सामेल भइसकेका छन् ।
प्रतिक्रिया 4