२०७४ साउन ३१ गते १७:१० 
३१ साउन, काठमाडौं । एसियाली क्रिकेट परिषद एसीसीले सदस्य राष्ट्रहरुबीच उमेर समूहका क्रिकेट प्रतियोगिता पुनः सुरु गर्ने भएको छ ।
मंगलबार सम्पन्न साधारणसभाले यू-१६, यू-१९ र यू-२३ प्रतियोगिता पुनः सञ्चालन गर्ने कार्यसमितिको प्रस्ताव अनुमोदन गरेको हो ।
एसीसी मुख्यालय कोलम्बोमा सम्पन्न साधारणसभाले टेष्ट नखेल्ने राष्ट्रको क्रिकेट बिकासमा सहयोग गर्न उमेर समूहका प्रतियोगिता पुनः सुरु गर्ने प्रस्ताव अनुमोदन गरेको हो ।
एसीसीले अब नियमित रुपमा सिनियर पुरुष क्रिकेट प्रतियोगिताको आयोजना गर्नेछ भने गत वर्ष भएको महिला एसिया कपलाई पनि निरन्तरता दिनेछ ।
कोलम्बोमा कार्यकारी समितिको पनि बैठक बसेको थियो । बैठकले, मलेसियामा नोभेम्बरमा हुने यू-१९ एसिया कप आयोजना गर्ने पनि पुष्टि गरेको छ । यस्तै इमर्जिङ एशिया कप अबदेखि हरेक वर्ष आयोजना हुनेछ । एसीसी विकास समतिले इमर्जिङ एसिया कप हरेक वर्ष आयोजना गर्न प्रस्थाव गरेको थियो । जसलाई कार्यकारी समितले पारित गर्यो ।
साधारण सभामा वार्षिक प्रतिवेदन, आर्थिक प्रतिवेदन र एसीसीका विकास योजनाहरुका विषयमा छलफल भएको थियो ।
प्रतिक्रिया 4