२०७७ असार २८ गते ६:१२ 
२८ असार, काठमाडौं । प्रिमियर लिग च्याम्पियन लिभरपुल पछिल्लो खेलमा बर्नलीसँग १-१ को बराबरीमा रोकिएको छ । घरेलु मैदान एनफिल्डमा शनिवार भएको खेलमा एक गोलको अग्रता जोगाउन नसक्दा लिभरपुलले बराबरी खेलेको छ ।
सन् २०१९ जनवरीयता लिभरपुलले घरेलु मैदानमा अंक गुमाएको यो पहिलो पटक हो ।
खेलको ३४औं मिनेटमा एन्ड्रु रोवर्टसनले गोल गर्दै लिभरपुललाई अग्रता दिलाएका थिए । ६९औं मिनेटमा जे रोड्रिगेजले बर्नलीका लागि बराबरी गोल फर्काए ।
बर्नलीका गोलकिपर निक पोपले उत्कृष्ट प्रदर्शन गर्दा लिभरपुल थप गोल गर्न असफल भएको थियो ।
बराबरीपछि ३५ खेलबाट च्याम्पियन लिभरपुलले ९३ अंक जोडेको छ । समान खेलबाट ५० अंक जोडेको बर्नली नवौं स्थानमा उक्लेको छ ।
प्रतिक्रिया 4