२०७६ जेठ ४ गते २०:५९ 
काठमाडौं । राष्ट्रिय खेलकुद परिषद -राखेप) ले प्रधानमन्त्री कप क्रिकेट प्रतियोगिताको मिति दोस्रो पटक सारेको छ ।
राखेपले पत्रकार सम्मेलन गरी जेठ १० देखि २५ गतेसम्मको खेल तालिका सार्वजनिक गरेको छ । यसअघि ८ गते हुने भनिएको थियो ।
२० लाख पुरस्कार राशीको प्रतियोगितामा सात प्रदेश र तीन विभागीय टोली गरी १० टिमको सहभागीता रहनेछ । खेलहरु त्रिवि क्रिकेट मैदान कीर्तिपुर र मुलपानीमा हुनेछ । राखेपले टिम जर्सी सार्वजनिक गरेको छ ।
यसअघि प्रधानमन्त्री कपको दुई संस्करण नखेलेका राष्ट्रिय टोलीका कप्तान पारस खड्काले यो पटक भने खेल्ने भएका छन् ।
प्रतिक्रिया 4