३० भदौ, भक्तपुर । लायन्स क्बल अन्तर्राष्ट्रिय एटुले भक्तपुरको बालकोट क्षेत्रमा कोभिड–१९ को महामारीका कारण समस्यामा परेका ७० विपन्न परिवारलाई राहत वितरण गरेको छ । राहतमा चामल, दाल, नुन, चिनी, खानेतेल, न्यूट्रेला र हात धुने साबुनलगायतका सामग्री रहेको छ ।
राहत वितरण गर्दै लायन्स क्लब अन्तर्राष्ट्रिय एटुकी डिस्ट्रिक गभर्नर डा. सुशीला मल्लले खान नपाएर कोही मर्नु नपरोस् र कसैको चुलो नबल्ने स्थिति नबनोस् भनेर सहयोग गरेको बताइन् ।
कार्यक्रममा चिफ एरिया को–अर्डिनेटर गोपाल पौड्यालले महामारीको समयमा समस्यामा परेकाहरुका लागि यो ठूलो सहयोग नभए पनि आगामी दिनमा यस्ता सहयोग कार्यक्रम निरन्तर रहने बताए ।
लायन्स क्लब अन्तर्राष्ट्रिय एटुले कोभिड–१९ को महामारीका कारण समस्यामा परेका विपन्न वर्गका मानिसहरुका लागि विभिन्न कार्यक्रम गर्दै आएको छ । अब ‘फुड बैंक’ को स्थापना गरी करिब पाँच हजार परिवारलाई राहत उपलब्ध गराउने क्लबको योजना छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4