+
+

दक्षिण कोरियामा अमेरिकी राजदूतमाथि आक्रमण

अनलाइनखबर अनलाइनखबर
२०७१ फागुन २१ गते ८:३२

U.S. Ambassador to South Korea Mark Lippert

२१ फागुन, काठमाडौं । दक्षिण कोरियाका लागि अमेरिकी राजदूत मार्क लिप्पेर्टमाथि सोलमा आक्रमण भएको छ ।

ब्रेकफास्ट मिटिङमा सहभागी हुने क्रममा ४२ वर्षीय अमेरिकी राजदूतमाथि आक्रमण भएको हो । आक्रमणकारीले राजदूतको गाला र हातमा ब्लेडले काटेका छन् ।

दक्षिण र उत्तर कोरिया पुनः एकीकृत हुनु पर्ने भन्दै ५५ वर्षका एक पुरुषले उनलाई आक्रमण गरेका हुन् । आक्रमणकारीले अमेरिका र दक्षिण कोरियाको संयुक्त सैन्य अभ्यासको समेत विरोध गरेका छन् ।

किम नाम गरेका आक्रमणकारीलाई प्रहरीले नियन्त्रणमा लिएको छ । प्रहरीले आक्रमणकारी ब्रेकफास्ट आयोजक प्रो कोरियन रियुनिफिकेसन ग्रुपकै सदस्य भएको बताएको छ ।

अमेरिकी राजदूतलाई अस्पताल भर्ना गरिएको छ । उनी खतरामुक्त रहेका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?