ब्याङ्लोरद्वारा गुजरातसामु १८१ रनको लक्ष्य, बिराट कोहलीको शतक
१२ वैशाख, काठमाडाैं । इण्डियन प्रिमियर लिग आइपिएल अन्तर्गत अहिले भइरहेको खेलमा रोयल च्यालेन्जर्स ब्याङ्लोरले गुजरात लायन्ससामु १८१ रनको विजयलक्ष्य पेश गरेको छ ।
सौराष्ट्र क्रिकेट एशोसियसनको मैदान राजकोटमा टस जितेर ब्याटिङ रोजेकोब्याङ्लोरले कप्तान बिराट कोहलीको शानदार शतकको सहयोगमा १८० रनको योगफल बनायो ।
स्टार ब्याट्सम्यान कोहलीले ६३ बलमा ११ चौका र १ छक्का हान्दै शतक पूरा गरे । उनले इनिङको अन्तिम बलमा ब्राभोको बलमा चौका प्रहार गर्दै शतक पूरा गरेका हुन् ।
जारी आइपिएलमा उत्कृष्ट प्रदर्शन गरिरहेका कोहलीले पहिलो शतक प्रहार गरेका हुन् भने समग्रमा जारी सिजनको यो दोस्रो शतक हो । यसअघि दिल्ली डेयरडेभिल्सका क्वीन्टन डि कक्ले पहिलो शतक प्रहार गरेका थिए ।
कोहलीका अलावा चौथो नम्बरमा ब्याटिङका लागि आएका केएल राहुलले पनि ५१ रनको अविजित पारी खेले । ओपनिङ ब्याटिङमा आएका सेन वाट्सनले ३ र तेस्रो नम्बरका डि भिल्लियर्सले २० रनमात्र बनाउन सके ।
प्रतिक्रिया 4