चलचित्र ‘नोभेम्बर रेन’बाट नेपाली चलचित्र क्षेत्रमा उदाएकी नायिका छुल्ठिम गुरुङको निर्माणमा बनेको चलचित्र ‘डायरी’को नयाँ प्रदर्शन मिति तोकिएको छ । यस अगाडि, चैत्र ११ गते रिलिज हुने भनिएपनि यो चलचित्रको प्रदर्शन सरेको थियो ।
अब, यो चलचित्र आउँदो बर्षको जेठ ५ गतेबाट देशभरका हलमा रिलिज हुने भएको छ । वितरकसँग सल्लाहा गरेपछि यो चलचित्रको प्रदर्शन मिति तय गरिएको निर्मात्री गुरुङले जानकारी दिएकी छिन् ।
निर्देशक अनिल योञ्जनको स्वास्थ्यमा केहि समस्या आएपछि चलचित्रको प्राविधिक काम सकिएको थिएन । जसले गर्दा, यो चलचित्र चैत्र ११ गतेबाट पछि सरेको थियो । चलचित्रको पोष्ट प्रोडक्शनको काम अन्तिम चरणमा पुगेको निर्देशक योञ्जनले जानकारी दिएका छन् । 
यो चलचित्रमा सन्नी सिंह छुल्ठिमको अपोजिटमा देखिएका छन् । यहि, चलचित्र मार्फत नेपाली चलचित्र क्षेत्रकी सफल नायिका रेखा थापा खलपात्रको भूमिकामा देखिदैछिन् । यो एउटा बदलाको कथामा निर्माण भएको चलचित्र हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
प्रतिक्रिया 4