१७ बैशाख, चितवन । चितवनको भरतपुर महानगरपालिका वडानम्बर ११ मा नेकपा मालेका उम्मेदवार कृष्ण कुमालमाथि गोली प्रहार भएको छ ।
गोली लागेर घाइते भएका उनको नारायणी सामुदायीक अस्पतालमा उपचार भइरहेको नेकपा मालेका चितवन जिल्ला सचिव परशुराम लामिछानेले जानकारी दिए ।
उनको कोखामा गोली लागेको छ । अस्पतालको शय्याबाट अनलाइनखबरसँग कुरा गर्दै कुमालले भने, ‘भोट माग्दै हिँडेको थिएँ । असाध्यै गर्मी भएपछि भरतपुर-११ को क्यालपा भन्ने स्थानमा चौतारोमा साथीहरुसँग बसिरहेको बेला एक्कासी गोली लागेर लडें ।’
भरतपुर-११ बसेनी तर्फको जंगलमा प्रहरीको तालिम चलिरहेको छ । त्यसतर्फ गइरहेका बेला उनीमाथि गोली लागेको हो । प्रहरीको तालिमको क्रममा झुक्किएर गोली लागेको आशंकालाई भने नेकपा माले चितवनले अस्वीकार गरेको छ ।
माले जिल्ला सचिव लामिछानेले भने, ‘तालिम केन्द्रभन्दा तीन किलोमिटर वरै गोली लागेको छ । तालिमको क्रममा होइन ।’
घाइते कुमालको डा. भक्तमान श्रेष्ठ र डा. रविन्द्र केसीले शल्यक्रिया गर्दैछन् ।
लेखकको बारेमा
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4