७ चैत,काठमाडौं । संसदीय सुनुवाई विशेष समितिले निर्णय दिन नसकेपछि मुस्लिम आयोगको अध्यक्षमा समिम मिया अन्सारीले सपथग्रहण गरेका छन् ।
नागरिकता र शैक्षिक प्रमाणपत्र किर्ते गरेको उजुरीलाई संसदीय समितिले टुंगो लगाउन नसकी सिफारिसको ४५ दिन कटेकाले अन्सारी स्वतः नियुक्त भएका हुन् ।
संविधानअनुसार संवैधानिक परिषदले सिफारिस गरेका व्यक्तिलाई संसदीय सुनुवाई समितिले स्वीकार वा अस्वीकारको निर्णय ४५ दिनभित्र दिनुपर्छ । तर अन्सारीको मामिलामा नेकपाभित्रै विवाद भएपछि संसदीय समिति अनिर्णित भएको थियो ।
राष्ट्रपति विद्यादेवी भण्डारीले अन्सारी सहित पाँचवटै संवैधानिक आयोगका अध्यक्षहरुलाई संविधान बमोजिम नियुक्त गरेपछि विहीबार प्रधानन्यायाधीश चोलेन्द्र शमसेर जबराले सपथग्रहण गराएका छन् ।
राष्ट्रपति भवन शीतल निवासमा बित्त आयोगका अध्यक्ष बालानन्द पौडेल, समावेशी आयोगका अध्यक्ष शान्तराज सुवेदी,मधेशी आयोगका अध्यक्ष बिजयकुमार दत्त र थारु आयोगका अध्यक्ष बिष्णुप्रसाद चौधरीले सपथ्रहण गरेका हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4