२५ असार, काठमाडौं । नेपाली कांग्रेसका नेताहरु राजेन्द्र खरेल र गोपालदास बादे ‘गणेशमान सिंह प्रजातन्त्र सेनानी’बाट सम्मानित भएका छन् । गणेशमान सिंह फाउन्डेसनका अध्यक्ष एवम् कांग्रेस पूर्वमहामन्त्री प्रकाशमान सिंहले खरेल र बादेको निवासमै पुगेर सम्मान गरेका हुन् ।
उनीहरुलाई सम्मान गर्न नेता सिंह खरेलको निवास नयाँबानेश्वर र बादेको निवास बनेपा पुगेका थिए । खरेल र बादेलाई नगद २५ हजारसहित सम्मानपत्र र दोसल्ला ओढाएर सम्मान गरिएको थियो ।
नेपाली कांग्रेसमा रहेर निष्ठाको राजनीति गरेको र प्रजातन्त्र स्थापनामा योगदान गरेबापत प्रजातन्त्र सेनानीबाट सम्मान गरिएको नेता सिंहले जानकारी दिए । लकडाउनको कारण विशेष कार्यक्रम गर्न नसकिएकाले भौतिक दुरी कायम गर्दै निवासमै पुगेर सम्मान गरिएको उनले बताए ।
गणेशमान सिंह फाउन्डेसनले ललितपुरका श्रीपतिदास जोशी काठमाडौंका शिवगोपाल रिसाल, सानु मानन्धर, श्यामलाल श्रेष्ठ प्रदीपमान श्रेष्ठ र भक्तपुरका माथबरसिंह बस्नेतलाई प्रजातन्त्र सेनानीबाट सम्मान गरिसकेको छ । यसैगरी अन्जु बस्नेत, भरत उप्रेती र रेवतिरमण सुवेदी पनि सम्मानित भएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4