चट्याङ लागेर उदयपुरमा दुईको मृत्यु

२६ वैशाख, उदयपुर । उदयपुरको कटारी नगरपालिका–११ हरबेनी बस्ने वर्ष ४७ का भेषबहादुर खत्रीको आज बिहान ९ बजे घरमा चिया खाइरहेको अवस्थामा चट्याङ लागेर मृत्यु भएको छ ।

त्यसैगरी, कटारी–११ गहुँबारीको काफलडाँडा बस्ने वर्ष ५५ का बलबहादुर बस्नेतको पनि घरको दलानमा चट्याङ लागेर मृत्यु भएको कुरा जिल्ला प्रहरी कार्यालय उदयपुरका प्रमुख प्रहरी उपरीक्षक नरबहादुर केसीले बताए ।

अहिले मृतकको शव लिन प्रहरी घटनास्थल पुगेको छ ।

मंगलबार मात्रै चितवनमा चट्याङ लागेर स्थानीय तह उम्मेदवारको मृत्यु भएको थियो । कालिका नगरपालिका–११ का माओवादी वडा सदस्य सिफल प्रजाको ज्यान गएको हो ।