२६ भदौ, काठमाडौं । राष्ट्रपति विद्यादेवी भण्डारीले उच्च शिक्षामा पहुँच र गुणस्तर दुबै वृद्धि गर्न आवश्यक रहेको बताएकी छन् । सामुदायिक क्याम्पसहरुले भोग्दै आएका समस्या पनि सरकारले सम्बोधन गर्नुपर्ने उनले बताइन् ।
बानेश्वर बहुमुखी क्याम्पसको रजतजयन्ती उदघाटन समारोहलाई आइतबार सम्वोधन गर्दै राष्ट्रपति भण्डारीले सामुदायिक क्याम्पसहरुले उच्च शिक्षाको विकासमा महत्वपूर्ण योगदान पुर्याएकाले उनीहरुले भोग्दै आएका समस्या सरकारले सम्बोधन गर्नुपर्ने बताएकी हुन् ।
कार्यक्रममा शिक्षामन्त्री धनीराम पौडेलले सामुदायिक क्याम्पसहरुको स्वामित्व सरकारले लिने बताए । उनले जनस्तरबाट क्याम्पस सञ्चालन गरिरहन सम्भव नरहेको भन्दै हाल सञ्चालित सामुदायिक क्याम्पसहरुलाई सरकारले क्रमशः आंगिक क्याम्पसमा परिणत गर्ने बताए ।
हाल नेपालमा करिब ५ सय वटा सामुदायिक क्याम्पस सञ्चालनमा छन् ।
कार्यक्रममा राष्ट्रपति भण्डारीले बानेश्वर बहुमुखी क्याम्पसको रजत जयन्ती स्तम्भ शिलान्यास गर्नुभएको थियो । २०४७ सालमा स्थापना भएको बानेश्वर बहुमुखी क्याम्पसमा हाल १ हजार ८ सय विद्यार्थी अध्ययनरत छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4