नायिका स्वेता खड्काले ‘स्वेता श्री’ फाउन्डेशनको औपचारिक शुभारम्भ गरेकी छिन् । आज, काठमाण्डौमा आयोजना गरिएको कार्यक्रममा उनले सामाजिक सेवाका लागि भन्दै यो फाउन्डेशनको औपचारिक सुरुवात गरेकी हुन् । नायक श्रीकृष्ण श्रेष्ठ र स्वेताको नामबाट यो फाउन्डेशनको नाम राखिएको छ ।
पूननिर्माण प्राधिकरणका प्रमुख गोविन्द पोखरेल, चर्चित कलाकार जोडी मदनकृष्ण श्रेष्ठ र हरिवंश आचार्य, पूर्व प्रधान सेनापति रुक्मांगत कटुवाल, माइती नेपालकी प्रमुख अनुराधा कोइराला, संगीतकार शम्भुजित बास्कोटाले एकसाथ ‘स्वेता श्री’ फाउन्डेशनको उद्घाटन गरेका हुन् ।
नायिका स्वेता खड्काले शो कार्यक्रममा बोल्दै फाउन्डेशनले निर्माण र क्यान्सरको क्षेत्रमा काम गर्ने बताइन् । स्वेताले भनिन्-‘दादाको चाहना पनि समाजसेवा थियो । यसैले, मैले यसलाई अगाडि बढाएकी हुँ ।’
यस्तै, सिन्धुपाल्चोकको माँझी बस्तीमा बनाउन लागिएको ‘एकिकृत नमुना माँझी बस्ती’को पनि औपचारिक घोषणा कार्यक्रममा गरिएको थियो । ‘स्वेता श्री’ फाउन्डेशनले यो बस्ती निर्माणको व्यवस्थापनमा सहयोग गर्नेछ ।
कार्यक्रममा उपस्थित सम्पूर्ण अतिथीहरुले ‘स्वेता श्री’ फाउन्डेशनलाई शुभकामना दिदै नायिका स्वेता खड्काको कामको प्रशंसा गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4