दीपकराजले किने ७९ लाखको कार

चर्चित हास्यकलाकार दीपकराज गिरीले आफ्नो सवारीसाधन फेरेका छन् । उनले ७९ लाख मूल्यमा हेक्जा कार खरिद गरेका हुन् ।

यसअघि उनी स्वीफ्ट डिजायर चढ्ने गर्थे, जुन ३१ लाख मूल्यको थियो । त्यो पुरानो भएकाले नयाँ कार किनेको दीपकले बताए ।

तितो सत्यबाट चर्चित बनेका हास्यकलाकार गिरी पछिल्लो समय चलचित्र निर्माणमा व्यस्त छन् । उनको समूहले निर्माण गरेका पछिल्ला फिल्म छक्का पञ्जा र छक्का पञ्जा २ ले व्यापारको कीर्तिमान कायम गरेका थिए । अहिले उनी छक्का पञ्जा ३ को तयारीमा छन् ।