४ असार, काठमाडौं । काठमाडौं–७, चाबहिलस्थित चुच्चेपाटीमा रहेको गोल्छा अर्गनाइजेशनबाट सञ्चालित हिम इलेक्ट्रोनिकको सामसुङ मोबाइल शोरुममा चोरी गर्ने दुई जना पक्राउ परेका छन् ।
पक्राउ पर्नेमा पर्साको विरगञ्ज–७ घर भइ हाल भारतको मितहारी रक्सौला बजार बस्दै आएका ३६ वर्षीय जितेन्द्र रौनियार र रामेछापको खाँडादेवी–१ घर भइ काठमाडौंको टोखा बस्दै आएका ३३ वर्षीय जयराम श्रेष्ठ छन् ।
उनीहरुलाई महागनरीय अपराध अनुसन्धान महाशाखाको टोलीले विभिन्न स्थानबाट पक्राउ गरेको हो ।
प्रहरीका अनुसार उनीहरुले शोरुमको सटर फोडेर सामसुङको विभिन्न ब्राण्डका मोबाइल ८३ वटा र नगदसहित २८ लाख १८ हजार ९ सय २० रुपैयाँ बराबरको चोरी गरेका थिए ।
उनीहरुको साथबाट २८ वटा मोबाइल समेत बरामद भएका छ ।
महाशाखाका प्रहरी उपरीक्षक नरेन्द्र उप्रेतीका अनुसार उनीहरुलाई चोरी मुद्दामा आवश्यक कानुनी कारबाहीका लागि महागनरीय प्रहरी वृत्त, गौशाला बुझाइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4