ट्रान्स एशियाको विमान दुर्घटना, नौको मृत्यु (तस्वीरसहित)

२१ माघ, काठमाडौं । ताइवानको राजधानी ताइपेमा भएको विमान दुर्घटनामा नौ जनाको मृत्यु भएको छ ।

ताइनावी विमान कम्पनी ट्रान्स एशियाको एटीआर-७२ विमान ताइपेको सोघसान विमानस्थलबाट किनमेन आइल्याण्डका लागि उडेको थियो ।

अधिकारीहरुका अनुसार विमानले धावनमार्ग छाडेको पाँच मिनेटमा नै दुर्घटना भएको हो ।

विमान ढलपलाउँदै पुलमा ठोक्किएर किलङ नदीमा खस्यो । विमानको पखेटाले पुलमा पुगिरहेको कारलाई समेत ठक्कर दिएको थियो । अधिकारीहरुका अनुसार कारका चालक घाइते भएका छन् ।

विमानमा रहेका दुई बालबालिकासहित २६ जनाको उद्दार गरिएको छ । उनीहरुलाई अस्पताल लगिएको छ ।