+
+

कुन जिल्लामा कति भूकम्पपीडित पहिचान भए ?

अनलाइनखबर अनलाइनखबर
२०७३ वैशाख १३ गते ११:२५

Lamgung One Year-After-a-Devastating-Earthquake (14)
१३ वैशाख, काठमाडौं । सरकारले ३ सय ८६ गाविसका घर बनाउने अनुदान पाउन योग्य भूकम्पपीडितको नामावली जिल्लामा पठाएको छ । ११ जिल्लाका विभिन्न गाविसका पीडित परिवारको सूची प्रकाशनका लागि जिल्लामा पुगेको हो ।

भूकम्प गएको एक वर्षपछि पीडित परिवारको सूची सार्वजनिक गर्न राष्ट्रिय पुनर्निर्माण प्राधिकरणले अन्तिम तयारी थालेको हो । यो सूचीमा परेकाले मात्रै घर बनाउन २ लाख रुपैयाँ अनुदान पाउने छन् ।

केन्द्रिय तथ्याङ्क विभागले संकलन गरेको विस्तृत क्षतिबारेको लगतका आधारमा तयार भएका पीडितको सूची जिल्लामा पठाइएको छ । अब सम्बन्धित गाविसहरुमा पीडितको सूची प्रकाशन गरिने प्राधिकरणले जनाएको छ ।

सरकारले ओखलढुंगामा १५ हजार, सिन्धुलीमा २१ हजार र रामेछापमा ३० हजार पीडितको पहिचान सकेको छ ।

यस्तै दोलखामा ४९ हजार, सिन्धुपाल्चोकमा ३५ हजार, काभ्रेमा ४० हजार, नुवाकोटमा ३८ हजार, र रसुवामा ५ हजार पीडितको पहिचान गरेको छ । यसैगरी धादिङमा २३ हजार मकवानपुरमा ७ हजार, र गोरामा ३४ हजार भूकम्पपीडिको पहिचान भएको छ ।

काठमाडौं, भक्तपुर र ललितपुरमा भूकम्पपीडित परिवारको पहिचानका लागि अझै काम सुरु हुन सकेको छैन । अहिले सर्वे भइरहेका जिल्लाका पनि सबै गाविसमा काम सकिएको छैन । पीडितको पहिचानमै ढिलाइ भएपछि अबको बर्षायाममा पनि निजी आवसर निर्माणले गति नलिने देखिएको छ ।

कुन जिल्लामा कति पीडितको पहिचान भयो ?

 

क्र.स.

जिल्ला पहिचान भएका घरधनि
ओखलढुङ्गा १५००५
सिन्धुली २१११४
रामेछाप ३०५१९
दोलखा ४९७५१
सिन्धुपाल्चोक ३५३०८
काभ्रे ४०२६४
नुवाकोट ३८२३५
रसुवा ५४१७
धादिङ २३४४०
१० मकवानपुर ७४१२
११ गोर्खा ३४४९६

 

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?