२३ कात्तिक, काठमाडौं । आफ्नो उत्पादनमा बन्ने विज्ञापनका सामग्रीसहित म्युजिक भिडियोमा अभिनय गर्न ओएसआर डिजिटलले गायक आशिष सचिनलाई एक वर्षका लागि अनुबन्ध गरेको छ । आशिषका ‘दारी फुल्यो बैंसैमा’, ‘एक कान दुई कान मैदान’, ‘गलबन्दी पछ्यौरी’, ‘ए मुना’लगायतका गीत लोकप्रिय छन् ।
ओएसआरले गायक आशिषलाई एक वर्षका लागि वार्षिक ३० लाख रुपैयाँ दिने गरी अनुबन्धित गरेको हो । एक वर्षको अवधिमा ओएसआरसँग गायक आशिषले आठवटा गीतसहित वर्षभरि आउने विज्ञापनको काम गर्नुपर्नेछ । पछिल्ला दिनमा गायक आशिषले लगातार ओएसआरमार्फत आफ्ना म्युजिक भिडियो बजारमा ल्याइरहेका छन् ।
गायनसँगै म्युजिक भिडियोमा समेत अभिनय गर्दै आएका आशिषको पछिल्लो म्युजिक भिडियो ‘छमक छमक तेरी पाउजुले’ हो ।
गायक आशिषको ‘दारी फुल्यो बैंसैमा’ बोलको गीतले करिब नौ करोड ७० लाख (९७ मिलियन) दर्शक पाइसकेको छ । जुन गीत नेपालमा सर्वाधिक बढी हेरिने र सुनिने गीतमा पर्छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4