लखनउविरुद्ध हैदराबाद १० विकेटले विजयी

२०८१ वैशाख २७ गते ६:१८

अनलाइनखबर

२७ वैशाख, काठमाडौं । इन्डियन प्रिमियर लिग (आईपीएल)मा सनराइजर्स हैदरावादले लखनउ सुपर जाइन्ट्सलाई १० विकेटले पराजित गरेको छ ।

बुधबार राति भएको खेलमा लखनउले दिएको १६६ रनको लक्ष्य हैदराबादले विनाविकेट १० ओभरमा पूरा गरेको हो ।

हैदरावादका ओपनर ट्राभिस हेड ३० बलमा ८ चौका र ८ छक्कासहित ८९ रन र अभिषेक शर्माले २८ बलमा ८ चौका र ६ छक्का प्रहार गर्दै नटआउट ७५ रन बनाए ।

हैदराबादको घरेलु मैदानमा पहिले ब्याटिङ गरेको लखनउले २० ओभरमा ४ विकेट गुमाएर १६५ रन बनाएको थियो ।

आयुष बडोनीले ५५, निकोलस पूरनले ४८, केएल राहुलले २९ र क्रुणाल पाण्ड्याले २४ रन बनाए । दोस्रो नम्बरका क्वेन्टन डे कक २ र मार्क्युस स्टोनिस ३ रनमै आउट भए ।

हैदरावादका भुवनेश्वर कुमारले २ र प्याट कमिन्सले एक विकेट लिए ।

यो जितसँगै हैदराबाद १४ अंकसहित तेस्रो स्थानमा उक्लिएको छ । लखनउ छैटौं स्थानमा छ ।

लिग तालिकाको पहिलो स्थानमा कोलकाता नाइट्स राइडर्स र दोस्रो स्थानमा राजस्थान रोयल्स् रहेका छन् । पहिलो र दोस्रो स्थानमा रहेका दुवै टोलीको अंक समान १६/१६ रहेको छ ।

टुर्नामेन्ट

ICC Men T20 World Cup 2024

West Indies A Tour to Nepal 2024

ACC Premier Cup 2024

IRELAND WOLVES TOUR OF NEPAL

Nepal Tri-Nation T20I Series (2024)

Nepal A VS Canada XI OD Series

2023–2027 ICC Cricket World Cup League 2

Nepal Vs Canada ODI Series

Aaha RARA Pokhara gold cup 


ICC Under-19 Cricket World Cup 2024

Pm Cup Womens National Cricket Tournament

Nepal Super League

T20 World Cup Final Asia

Nepal Tri-Nation T20I Series

Asiacup 2023

एसीसी प्रिमियर कप