कालोपुलमा युवतीको शव भेटियो

१३ असार, काठमाडौं । ललितपुर–२ स्थित टेकुबाट सानेपातर्फ जाने कालोपुलमुनि एक युवतीको शव भेटिएको छ ।

महागनरीय अपराध अनुसन्धान महाशाखाका अनुसार अन्दाजी २२/२५ वर्ष उमेरकी युवतीको शव भेटिएको हो । शवको सनाखत हुन नसक्दा अनुसन्धानमा समस्या भएको प्रहरीले जनाएको छ ।

प्रहरीले शवको हुलिया बारे सूचना जारी गर्दै भनेको छ, ‘पातलो शरिर, अन्दाजी उचाई ५ फिट ३ ईन्च, कपाल कालो लामो, रातो ब्लाउज, खरानी रंगको हाफ सर्ट, कालो पाइन्ट लगाएकी, बायाँ हातको नाडीमा निलो मसीले आइ लभ यू लेखिएको मंगोलियन अनुहारकी युवतीको शव मृत अवस्थामा भेटिएको हो ।’