६ चैत्र, गोरखा । अजिरकोट गाउँपालिकाको न्यायिक समितिमा २० वटा उजुरी परेका छन् ।
यो चालु आर्थिक बर्षको फागुन १९ गतेसम्मको तथ्याङ्क हो । सबैभन्दा बढी लेनदेन तथा रकम हिनामिनाको १० वटा उजुरी परेको समितिकी संयोजक एवं गाउँपालिका उपाध्यक्ष चन्द्रमाया गुरुङले बताइन् ।
उनका अनुसार छमेकीसँग साँध विवाद, बाटो मापदण्डसम्बन्धी जग्गा विवाद, घरेलु हिंसा र अनैतिक सम्बन्ध तथा पारिवारिक बेमेलका २÷२ उजुरी परेका छन् । गाली गलौच तथा बेइज्जतीसम्बन्धी एउटा उजुरी दर्ता भएको उनले जानकारी दिइन् ।
परेका उजुरीमध्ये १२ वटाको निरुपण भइसकेको उनको भनाइ छ । ‘११ वटाको मेलमिलाप भयो, एउटा उजुरी अन्यत्र सिफारिस ग¥यौ,’ उनले भनिन् । आठ उजुरी निरुपण हुन बाँकी रहेको उनले बताइन् ।
प्रत्येक वडामा मेलमिलाप केन्द्र भएकाले समितिमा उजुरीको संख्या कम भएको उनको भनाइ छ । केही कानूनी अन्यौलताका साथै कानून सम्वद्ध कर्मचारी अभाव हुँदा समस्या भएको उनले जानकारी गराइन् ।
