१९ फागुन, इस्लामाबाद । भारतीय एक प्रमुख कुटनीतिज्ञ द्विपक्षीय मुद्दामा वार्ता गर्नको लागि मङ्गलबार पाकिस्तान पुगेका छन् ।
पाकिस्तान पुगेका भारतीय विदेश सचिव सुब्राहमान्यन जयशङ्करले आफ्ना समकक्षी अइजाज अहमद चौधरीसँग औपचारिक भेटवार्ता गर्ने पाकिस्तानको विदेश मन्त्रालयका जनाएको छ ।
पाकिस्तानी अधिकारीहरुका अनुसार भारतको उच्च कूटनीतिज्ञको यो भ्रमण दुई देशबीच जारी अवरोधको अन्त्यको लागि संयुक्त वार्ता प्रक्रियाको लागि एक राम्रो मौका हो ।
जयशङ्करको भ्रमणको क्रममा दुई देशको सीमाक्षेत्रमा हुने गोली प्रहारको तनावको विषयहरुमा पनि वार्ता हुने बताइएको छ । भारत र पाकिस्तानबीच चलिरेहेको तनावबीच उच्चस्तरीय अधिकारीको यो पहिलो भ्रमण भएको बताइएको छ ।
इस्लामाबादमा हुने छलफलमा भाग लिनका लागि त्यहाँ पुगेका जयशङ्करले इस्लामाबादपछि भुटान, बङ्गलादेश र अफगानिस्तानको भ्रमण गर्नेछन् । रासस/सिन्ह्वा
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4