१८ जेठ, उर्लाबारी (मोरङ)। मोरङको उत्तरी गाविस रमितेखोलाबाट ३० किलोवाट विद्युुत् उत्पादन गरिने भएको छ । जिल्ला विकास समिति मोरङले राष्ट्रिय प्रसारणलाइन पुुग्न नसकेका ठाउँमा विद्युुत् पुुर्याउने उद्देश्यले रमिते खोलामा मिनिग्रिड राखेर विद्युुत् उत्पादनका लागि काम सुरु गरिएको जनाएको छ ।
रमितेखोला–२ स्थित बैकुुन्ठे बजार नजिकको रमिते खोलामा दुई वर्षभित्रमा काम सम्पन्न गर्ने गरी सम्झौता भएर काम अगाडि बढाइएको स्थानीय विकास अधिकारी नारायणप्रसाद मैनालीले बताए ।
परियोजनाबाट सो भेगका ६० घरपरिवारले विद्युत् उपभोग गर्न पाउनेछन् । विद्युत् उत्पादन हुने भएपछि सो क्षेत्रका बासिन्दा उत्साहित भएका छन् । उत्पादित विद्युुत्बाट एउटा मिल, विभिन्न विद्यालयमा कम्प्युुटर तथा सो क्षेत्रका ६० परिवारलाई सहजै विद्युुत् सेवा पुुग्ने स्थानीय विकास अधिकारी मैनालीले बताए ।
उज्यालो कार्यक्रमअन्तर्गत रु एक करोड ३० लाखको लागतमा विद्युुत् उत्पादन गर्न लागिएको वैकल्पिक ऊर्जा कार्यक्रमका ऊर्जा अधिकृत ज्ञानेन्द्र सिंहले बताए ।
