७ पुस, झापा । झापाको बिर्तामोडमा सडक अतिक्रमण गरेर बनाइएका घर–टहरा शुक्रबारबाट हटाउन शुरु गरिएको छ ।
सडक डिभिजन कार्यालय, बिर्तामोड नगरपालिका र जिल्ला ट्राफिक प्रहरी कार्यालयले फराकिलो सडक बनाउन अतिक्रमण गरेर बनाइएका घर–टहरा हटाउने अभियान सुरू गरेकाे हाे ।
सडक अतिक्रमण गरेर बनाइएका भौतिक संरचना एस्काभेटर प्रयोग गरेर भत्काउने काम भइरहेकाे छ ।
बिर्तामोडको मुक्ति चोकलाई केन्द्र मानेर चारैतिर अतिक्रमण गरेर बनाइएका संरचनाहरु भत्काउन सुरू गरिएको जिल्ला ट्राफिक प्रहरी कार्यालयका सूचना अधिकारी प्रहरी सहायक निरीक्षक याम खड्काले बताए ।