३१ वैशाख, बुटवल । पहिरोका कारण अबरुद्ध बुटवल-पाल्पा सडक खण्ड एघार घण्टापछि एकतर्फी रुपमा खुलेको छ ।
सिद्धार्थ राजमार्ग अन्तर्गत पाल्पाको तिनाउ गाउँपालिका वडा नंं ३ हेडबक्स भन्ने ठाउँमा माथिबाट सडकमा पहिरो खसेपछि राति २ बजेदेखि यातायात सेवा अवरुद्ध भएको थियो ।
अवरुद्ध सडक खुलाउन बिहान ७ बजेबाट दुई वटा डोजर र एउटा क्रेन प्रयोग भएका थिए ।
पहिरो पन्छाउने क्रममा माथिबाट पहिरो खस्ने क्रम नरोकिएपछि सडक खुल्न ढिलाई भएको थियो ।
पहिरो खस्न रोकिएपछि दिउँसो पौने एकबजेबाट एकतर्फी रुपमा सडक खुलेको पश्चिम क्षेत्रीय ट्राफिक प्रहरी कार्यालय बुटवलले जनाएको छ ।
दुई तर्फी यातायात संचालन हुने अझै केही समय लाग्ने प्रहरीले जनाएको छ ।
सडक अवरुद्ध हुंदा पाल्पातर्फबाट आएका र बुटवलबाट पाल्पा हुँदै विभिन्न जिल्लातर्फ जाने सयौं सवारीसाधनको लामो लाइन लागेको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4