१३ भदौ, काठमाडौं । एसिया कप छनोट क्रिकेट प्रतियोगिताअन्तर्गत ओमनविरुद्ध नेपालले चौथो विकेट गुमाएको छ ।
२२.४ ओभरमा ८० रन बनाउँदा नेपालले चौथो विकेट गुमाएको हो । चौथो विकेटको रुपमा दीपेन्द्रसिंह ऐरी ९ रनमा आउट भए । सुरुवात राम्रो गरेपनि नेपालका मध्यक्रमका ब्याट्सम्यान चल्न नसक्दा खराब खेलिरहेको छ ।
अहिले क्रिजमा सागर पुन र आरिफ शेख रहेका छन् ।
यसअघि नेपालले १७ ओभरको अन्तिम बलमा ज्ञानेन्द्र मल्ललाई तेस्रो विकेटको रुपमा गुमाएको थियो । उनले ६० बलमा ६ चौका र १ छक्काको मद्दतमा ४५ रन बनाएर आउट भएका थिए । १५.५ ओभरमा नेपालले ५६ रन बनाउँदा दोस्रो विकेटको रुपमा कप्तान पारस खड्कालाई ८ रनमा गुमाएको थियो । नेपालको पहिलो विकेटको रुपमा सुवास खकुरेल ४ रन आउट भएका थिए ।
नेपाल र ओमनबीचको खेल मलेसियाको राजधानी क्वालालम्पुरस्थित बायुमास ओभलमा खेल जारी छ । नेपाल ओमनलाई पराजित गर्दै छनोट प्रतियोगितामा सुखद सुरुवात गर्ने लक्ष्यमा रहेको छ ।
प्रतियोगितामा नेपालसँगै आयोजक मलेसिया, ओमन, युएई, सिंगापुर र हङकङ रहेका छन् ।