४ जेठ, काठमाडौं । अख्तियार दुरुपयोग अनुसन्धान आयोगले वैदेशिक रोजगार विभाग बुद्धनगर काठमाडौंमा कार्यरत लेखा अधिकृत प्रकाश आचार्यविरुद्ध भ्रष्टाचार मुद्दा दायर गरेको छ ।
एक मेनपावर कम्पनीको वैदेशिक रोजगार विभागमा भएको धरौटी रकम फिर्ता दिने कार्यका लागि १० हजार रुपैयाँ घुस मागेको आरोप आचार्यमाथि लागेको छ ।
अख्तियारले लेखा अधिकृत आचार्यविरुद्ध १० हजार रुपैयाँ बिगो कायम गरी मंगलबार विशेष अदालतमा मुद्दा दायर गरेको हो ।
भ्रष्टाचार निवारण ऐन २०५९ को दफा ३ (१) द्वारा परिभाषित कसुर गरेको पुष्टि हुन आएको अख्तियारको दाबी छ । उसले सोहि ऐनको दफा ३ (१) र ३ (१) (क) बमोजिम दण्ड सजाय हुन पनि माग गरेको छ ।
