गायक समिर आचार्यले नयाँ गीतको भिडियो सार्वजनिक गरेका छन् । ‘तिमी पनि एक्लै म पनि एक्लै’ बोलको गीतमा राजनराज सिवाकोटीले शब्द तथा संगीत भरेका छन् ।
गायक आचार्यले यो कुनै एल्बममा समावेश गीत नभएको बताए । आफूले एउटा गीत मात्र रेकर्ड गराएर भिडियो तयार पारेको समिरको भनाई छ ।
भिडियोको निर्देशक प्रसन्न पौडेलले गरेका हुन् । भिडियोमा रिमा विश्वकर्माको साथमा किरण ल्याकुल, विनोद न्यौपाने, सौगात र अनन्त तिमिल्सिनाको मोडलिङ छ । ३ यूवक र एक यूवतीको कथालाई निर्देशक पौडेलले रोचक तबरले प्रस्तुत गरेका छन् । 
भिडियोमा विदुर पाण्डेको छायांकन, टेकेन्द्र शाहको सम्पादन छ । गायक आचार्यले यसअघि २ एल्बम बजारमा ल्याइसकेका छन् । उनी ७ बर्षदेखि अष्ट्रेलियामा बस्दै आएका छन् ।
