२२ जेठ, काठमाडौं । नेकपा एमालेको स्थायी समिति बैठक बस्ने भएको छ ।
पछिल्लो समय पार्टीमा देखिएको समास्या समाधानको प्रयास स्वरुप प्रधानमन्त्री समेत रहेका पार्टी अध्यक्ष केपी शर्मा ओलीले वैठक बोलाएका हुन् ।
केही दिनयता माओवादीसँग भएको भनिएको भद्र सहमतिका विषयमा नेकपा एमालेका शीर्ष नेताहरु विभाजित भएका छन् । प्रधानमन्त्री तथा पार्टी अध्यक्ष केपी ओलीले कुनै सहमति नभएको जनाउदै आएपनि नेताहरु झलनाथ खनाल र माधव नेपालले सहमति भएको जनाउँदै आएका छन् ।
जसका कारण ओलीले विपक्षी दलका साथसाथै आफ्नै दलभित्र समेत भद्र सहमतिका विषयको सामना गर्न परिरहेको छ । वैठकमा सरकार परिवर्तनबारे छलफल हुने जनाइएको छ ।
प्रधानमन्त्रीको सरकार निवास बालुवाटारमा बिहान ११ बजे बैठकमा पार्टी संरचना बारे समते छलफल हुने छ । केन्द्रीय कमिटि बैठकले पार्टी संगठनलाई प्रादेशिक ढाँचामा लैजाने निर्णय गरेपनि प्रदेश कमिटिहरु भने गठन भएका छैनन् ।
