मिरा राजपुतसँग बिहे गरेर सन्तानका बाबु बन्न लागेका बलिउड नायक शाहिद कपुर चलचित्रको पर्दामा भने नायिका दीपिका पादुकोणको श्रीमान् बन्न तयार भएका छन् ।
भारतका सफल निर्देशक संजयलिला भन्सालीको नयाँ चलचित्र ‘पद्मावती’मा साहिद दीपिकाका पति बन्न लागेका हुन् । चलचित्रमा सुरुवातमा दीपिकाका पतिका रुपमा फवाद खानको नाम चर्चामा थियो । तर, अब शाहिदको नाम लगभग तय भएको भारतीय मिडियाको दाबी छ । दीपिका र शाहिदले पहिलो पटक चलचित्रमा काम गर्न लागेका हुन् । निर्माता साजिद नाडियाडवाला यी दुई कलाकारलाई लभ स्टोरी चलचित्र ‘हीर और राँझा’मा एकसाथ काम गराउन चाहन्थे ।
तर, यो चलचित्र अहिले नबन्ने अवस्थामा पुगेको छ । यो चलचित्रमा आफूसँग काम गर्ने कलाकार ठूलो स्टार होस् भन्ने दीपिकाको चाहना थियो । यो चलचित्रमा शाहिद रतनको भूमिकामा देखिदैछन्, जसका लागि उनी सुरुवातमा तयार थिएनन् ।
तर, जब उनले आफ्नो भूमिकाको बारेमा गम्भिर रुपमा वुझे अनी तयार भएका हुन् । यो चलचित्रका लागि शाहिदले २ सय दिन दिनेछन् । अहिले शाहिद आफ्नो लुकमा काम गरिरहेका छन् । संजयलिलाको यो चलचित्र सन् २०१७ को डिसेम्बरमा रिलिज हुने चर्चा छ ।
