यो बर्ष आफ्नो ब्यानर बाहिरको दोश्रो चलचित्रमा काम गरिरहेकी नायिका रेखा थापाले चलचित्रमा आफ्नो लुक सार्वजनिक गरिरहेकी छिन् ।
यतिबेला हेटौडामा छायांकन भैरहेको चलचित्र ‘हिरो रिटर्न्स’मा रेखा एक्सन लेडीको रुपमा देखिएकी छिन् । चलचित्रमा सविन श्रेष्ठ र दिल श्रेष्ठ पनि रेखाको साथमा मुख्य भूमिकामा देखिनेछन् । बुलेट बाइक कुदाइरहेको भिडियो समेत रेखाले फेसबुकमा पोष्ट गरेकी थिइन् ।
सविन श्रेष्ठको प्रस्तुतीमा तयार भैरहेको यो चलचित्रमा रेखा थापा पूर्ण रुपमा एक्सन अवतारमा देखिनेछन् । उसो त रेखा केही बर्षयता एक्सन शैलीमा उत्रिएकी छिन् । चलचित्र ‘पलाँस’मा भने रेखाको गेटअप विल्कुल फरक देखिएको छ । चलचित्रलाई आशिष भेटवालले निर्देशन गरिरहेका छन् ।