माइकल ज्याक्सनकी छोरीले भनिन्ः बाबाको हत्या भएको हो

माइकल ज्याक्सनकी छोरी पेरिस माइकल केथेरिन ज्याक्सनले खुलासा गरेकी छिन्, ‘म सानैदेखि एक अपरिचित ब्यक्तिबाट यौन उत्पिडन भोग्दै आएकी थिएँ ।’ चर्चित म्यागजिनमा अन्र्तबार्ता दिदै पेरिसले आफु लागुऔषधको दूब्र्यसनमा फसेको र डिप्रेसनको सिकार भएको समेत खुलाएकी छिन् ।

‘जतिबेला म १४ बर्षकी थिएँ, त्यहि समयमा मैले यौन उत्पिडन भोगें’ पेरिसले भनेकी छिन्, ‘बुवाको मृत्युपछि मैले पटक पटक आत्माहत्याको प्रयास समेत गरेकी थिएँ ।’ उनको जन्म ३ अप्रिल १९९८ मा भएको हो ।

आफैलाई काटें

पेरिसले अन्र्तबार्ताका क्रममा भनेकी छिन्, ‘मैले स्वंमलाई फिजिकली हर्ट गरें, काटें । मेरो आत्माबिश्वास पुरै गुमिसकेको थियो ।’ आफुले गरेको कुनैपनि काम उनलाई सहि लाग्दैनथ्यो । र, ति सबै कुरा उनले आफ्नो परिवारबाट लुकाउनु परेको तितो पोखेकी छिन् ।

बावाको हत्या भयो

माइकल ज्याक्सनको मृत्यु अझैपनि रहस्यमै छ । उनी मारे वा मारिए ? कसरी मरे ? किन मरे ? यावत् प्रश्नको उत्तर अझै फेला परेको छैन । यसैबीच पेरिसले दावी गरेकी छिन्, ‘मेरो बुवाको मृत्यु स्वभाविक होइन । यो हत्या थियो ।’ सन् २००९ मा माइकल ज्याक्सनको हतया भएको उनको जिकिर छ । उक्त हत्या दोष डाक्टर कौनराडा म्युरेमाथि थोपरेकी छिन् ।