२३ चैत, काठमाडौं । यशोदा लामा नेतृत्वको दलित जनजाति पार्टी नेपालले पनि फोरम लोकतान्त्रिकसँग पार्टी एकता गर्ने भएको छ । फोरम लोकतान्त्रिक र राष्ट्रिय जनमुक्ति पार्टी लोकतान्त्रिकको एकतामा लामा पनि सहभागी भएकी हुन् ।
यससँगै गच्छदारको पार्टीको पाँचौं ठूलो दल हुनेछ । फोरम लोकतान्त्रिकको १४, जनमुक्तिको दुई र दलित जनजातिको एक सांसद गरेर गच्छदारको पार्टीको १७ सांसद हुनेछ ।
र, उपेन्द्र यादव नेतृत्वको संघीय समाजवादी फोरमलाई पछि पार्नेछ । समाजवादी फोरमको संसदमा १५ सिट छ ।
एकतापछि नयाँ पार्टीको नाम नेपाल लोकतान्त्रिक फोरम हुनेछ र अध्यक्ष गच्छदार नै रहनेछन् ।
