३० भदौ, काठमाडौं । बाल यौन शोषण गर्ने व्यक्तिसँग प्रधानमन्त्री बिआर्नी बेनेडिक्सनको नाम जोडिएपछि आइसल्याण्डमा सत्ता गठवन्धन भत्किएको छ ।
ब्राइट फ्युचर पार्टीले नौ महिना अघि बनेको तीन पार्टीको गठवन्धनबाट हट्ने घोषणा गरेको छ ।
यसअघि बेनेडिक्सनका बुबाले बच्चाको यौन शोषणमा दोषी एक व्यक्तिलाई सिफारिस गरेका थिए ।
आइसल्याण्डमा कुनै पनि अपराधमा दोषी ठहर भएका व्यक्तिले आफ्नो ‘सम्मान फेरि प्राप्त’ गर्नुपर्छ । यसका लागि सिफारिस पत्र चाहिन्छ । यो पाएपछि दोषीको नाम आपराधिक रेकर्डबाट हटाइनेछ र उनलाई काममा र्फकन अनुमति दिइनेछ ।
बेनेडिक्सनका बुबाले यस्ता व्यक्तिका लागि सिफारिस पत्र दिए, जसले १२ वर्षसम्म हरेकदिनजसो आफ्नो सौतेनी छोरीलाई बलात्कार गरेकोमा दोषी ठहर भएका थिए ।
यो सार्वजनिक भएपछि आइसल्याण्डबासी आश्चर्यमा परे । साथै सरकारले यसलाई ढाकछोप गर्न खोजेको आरोप पनि लाग्यो किनकी कसले सिफारिस गर्यो भन्ने बताइएन ।