१७ फागुन, काठमाडौं । यति एयरलाइन्स डोमेस्टिक प्रालिले शुक्रबार आफ्ना सबै उडान स्थगित गरेको छ ।

हेलिकोप्टर दुर्घटनामा दिवगंत भएका कम्पनीका प्रबन्ध निर्देशक आङ्ग छिरिङ्ग शेर्पाको सम्मानमा यति एयरलाइन्स र उसको सहायक कम्पनी तारा एयरका शुत्रबारका सबै उडान स्थगित गरिएको हो ।

प्रभावशाली पर्यटन उद्यमी शेर्पाको निधनको शोकमा उडान स्थगित गर्दा यात्रुलाई पर्न जाने असुविधाप्रति कम्पनीले क्षमायाचना गरेको छ ।

यति र तारा एयरले काठमाडौंबाट भरतपुर, भैरहवा, नेपालगञ्ज, जनकपुर, सिमकोट, रारा, जुम्ला, डोल्पा, बाजुरा, साँफेबगर, सुर्खेत, चौरजहारी, रुकुम, जोमसोम, मनाङ, पोखरा, लुक्ला, फाप्लु, ताप्लेजुङ, रामेछाप, भोजपुर र तुम्लिङटारमा दैनिक उडान भर्दै आएका छन् ।

पर्यटन उद्यमी शेर्पाको बुधबार ताप्लेजुङको फुङलिङ नगरपालिका १० सिस्नेभीरमा एयर डाइनेस्टीको हेलिकोप्टर दुर्घटनामा परी निधन भएको थियो ।

यो पनि पढ्नुहोस आङ छिरिङ शेर्पा: अल्पिए हिमालका यति !

यो पनि पढ्नुहोस आङ छिरिङको सपना पूरा गर्ने कोशिस गर्छु- लाक्पा सोनाम

दुर्घटनामा संस्कृति, पर्यटन तथा नागरिक उड्डयनमन्त्री अधिकारीसहित नेपाल नागरिक उड्ययन प्राधिकरणका उपमहानिर्देशक वीरेन्द्र श्रेष्ठ, प्रधानमन्त्री कार्यालयका उपसचिव युवराज दाहाल, मन्त्री अधिकारीका पीएसओ अर्जुन घिमिरे र पाइलट प्रभाकर केसीले पनि ज्यान गुमाएका थिए ।