बलात्कारको आरोपमा नेपाली युवा अमेरिकामा पक्राउ, अष्ट्रेलिया लगियो

२२ वैशाख, काठमाडौं । अष्ट्रेलिया पुलिसले बलात्कारको आरोप लागेका एक नेपालीलाई अमेरिकामा पक्राउ गरी सिड्नी ल्याएको छ ।

पर्यटक भिसामा अस्ट्रेलिया घुम्न गएका नेपाली नागरिकमाथि सन् २०१७ को जुनमा कार्लटनस्थित एक अपार्टमेन्टमा स्थानीय महिलालाई यौन हिंसा गरेको आरोप लागेको थियो । घटनाको केही दिनमा उनी अमेरिका फर्किए ।

अस्ट्रेलियन युवतीले प्रहरीले उजुरी दिएपछि आरोपितको खोजी सुरु भयो, जनवरीमा खोजीको सूचीमा राखियो । न्यूयोर्कमा पक्राउ परेका उनलाई लस एन्जलस ल्याइयो, जहाँ न्यु साउथ वेल्स प्रहरीले हिरासतमा लिएको छ ।

उनलाई शनिबार सिड्नी ल्याइएको छ र सहमतिविना शारिरीक सम्बन्ध राखेको आरोपमा मुद्दा चलाइएको छ ।