२२ साउन, काठमाडौं । प्रतितोला पन्ध्र सयले बढेर बुधबार सुनको मूल्यमा पुनः नयाँ रेकर्ड कायम भएको छ । बुधबार तेजाबी, छापावाल र चाँदीको मूल्यमा बढोत्तरी देखिएको छ ।
मंगलबार ६८ हजार प्रतितोलामा कारोबार भएको तेजाबी सुनको मूल्य बुधबार ६९ हजार ५ सय पुगेको हो । नेपाल सुन-चाँदी व्यवसायी संघका अनुसार छापावाल सुन पनि १५ सयले बढेर ६९ हजार २ सय प्रतितोला पुगेको छ भने चाँँदी प्रतितोला १५ रुपैयाँले बढेर ८१० रुपैयाँ प्रतितोला मूल्य कायम भएको छ ।
बुधबारका लागि तोकिएको सुन-चाँदी बजार मूल्य नेपालमा हालसम्मकै सबैभन्दा उच्च भएको नेपाल सुनचाँदी व्यवसायी महासंघले जनाएको छ ।
अमेरिका-इरान बढ्दो तनाव, अमेरिका-चीन व्यापार युद्ध तथा अमेरिकी केन्द्रीय बैंकले ब्याजदरमा गरेको कटौती जस्ता कारणले सुनको मूल्य आकाशिएको व्यवसायीहरुले बताउने गरेका छन् । पछिल्लो ६ दिनमा सुनको मुल्य तोलामै ४ हजार ५ सय रुपैयाँले बढिसकेको छ ।
