१७ भदौ, काठमाडौं । गौशालाको पशुपति भण्डारखाल जंगलमा एक अन्तरजातीय जोडी मृत भेटिएका छन् ।
एउटै रुखमा पासो लगाएर झुण्डिएको अवस्थामा खोटाङका ४० वर्षीय जयप्रसाद गिरी र ३३ वर्षीया उमिता दमाई मृत भेटिएका हुन् ।
महानगरीय प्रहरी वृत्त, गौशालाका डीएसपी प्रदीपबहादुर सिंहले दुई जनाको शव भेटिएको पुष्टि गरे ।
‘दुवै पक्षको आफन्तको रोहवरमा सनाखत गरेर पोष्टमार्टमका लागि पठाइसकिएको छ’, सिंहले अनलाइनखबरसँग भने, ‘घटनास्थलबाट केही कागज पत्र र मोबाइल भेटिएका छन् ।’
तर, मृत्युकालीन घोषणा गरिएको भने भेटिएको छैन । घटनाको विषयमा विस्तृत अनुसन्धान भइरहेको जनाइएको छ ।
