२४ असोज, काठमाडौं । प्रभु बैंकले १६ प्रतिशत बोनस सेयर दिने घोषणा गरेको छ । बैंकले अघिल्लो वर्षको भन्दा दोब्बर बढाएर १६ प्रतिशत बोनश सेयर दिने घोषणा गरेको हो ।
बैंकले कर प्रयोजनका लागि ०.८४ प्रतिशत नगद लाभांश समेत वितरण गर्ने भएको छ । प्रभु बैंकले गत वर्षको भन्दा दोब्बरले लाभांस बढाएको छ ।
बैंकको संचालक समितिको बैठकले हालको चुक्ता पूँजीको १६ प्रतिशत बोनस सेयर दिने निर्णय गरेको भन्दै नेपाल स्टक एक्सचेञ्जलाई प्रभु बैंकले जानकारी समेत गराइसकेको छ ।
चुक्ता पूँजी ८ अर्ब ८९ करोड रुपैयाँ रहेकोमा १६ प्रतिशत बोनस सेयर दिए पछि १० अर्ब ३१ करोड रुपैयाँ पुग्नेछ । बैंकको आगामी साधारणसभाले पारित गरेपछि सेयरधनीले बोनस सेयर पाउनेछन् ।