४ मंसिर, काठमाडौं । तनहुँको व्यास नगरपालिका- १ मुसेखोलामा मृत अवस्थामा भाले चितुवा फेला परेको छ।

ढाड भाँचिएको अवस्थामा भाले चितुवा मृत फेला परेको डिभिजन वन अधिकृत प्रमुख केदार बरालले अनलाइनखबरलाई जानकारी दिए ।

यो पनि पढ्नुहोस तनहुँको व्यास नगरपालिकामा चितुवाको बच्चा मृत भेटियो

‘राजमार्गमा बाटो काट्ने क्रममा गाडीको ठक्करबाट घाइते भएपछि पानीको खोजीमा चितुवा खोलातिर गएको जस्तो देखिन्छ,’ बरालले भने, ‘खोला नजिक चितुवाले बान्ता गरेको देखिन्छ ।’  मृत फेला परेको भाले चितुवा करिब ८ वर्ष जतिको उमेर र ४० किलो जति तौल रहेको प्रमुख बरालले बताए । मंगलबार राती करिब २-३ बजेको समयमा उक्त घटना भएको हुन सक्ने उनले बताए ।

यो पनि पढ्नुहोस तनहुँमा चितुवा आतंक- सम्साँझै गाउँ सुनसान

सोमबार बिहान पनि ब्यास नगरपालिकाको जंगलमा चितुवाको एउटा बच्चा मृत फेला परेको थियो ।