+
+

अभ्यास खेलमा श्रीलंका पुलिसमाथि नेपालको फराकिलो जित

अनलाइनखबर अनलाइनखबर
२०७८ फागुन २६ गते १८:१४

२६ फागुन, काठमाडौं । आईसिसी क्रिकेट विश्वकप लिग टू काे तयारीका लागि श्रीलंकामा रहेकाे नेपाली क्रिकेट टिमले तेस्राे अभ्यास खेलमा श्रीलंका पुलिसलाई १ सय ४४ रनको फराकिलो अन्तरले पराजित गरेकाे छ ।

नेपालले प्रस्तुत गरेको ३ सय ३२ रनको लक्ष्य पछ्याएको श्रीलंका पुलिस ३६.५ ओभरमा १० विकेट गुमाउँदै १८७ रनमा अलआउट भयाे ।

श्रीलंका पुलिसका लागि सि शिल्भाले सर्वाधिक ६४ रन बनाए र मधुशान्का ५० रनमा अविजित रहे । नेपालका लागि तीव्र गतिका बलर करण केसीले सर्वाधिक ३ विकेट लिएका छन् । सागर ढकाल र सन्दीप लामिछाने र कमल सिंह ऐरीले २-२ विकेट लिए ।

यसअघि टस जितेर पहिला ब्याटिङ गरेकाे नेपालले निर्धारित ५० ओभरमा ७ विकेट गुमाउँदै ३३१ रन बनाएको थियो ।

नेपालका लागि युवा ब्याटर रोहितकुमार पौडेल, आसिफ शेख, कुशल भुर्तेल र करण केसीले अर्धशतकीय इनिङ्स खेले । तेस्रो नम्बरमा ब्याटिङमा आएका युवा खेलाडी रोहितकुमार पौडेलले सर्वाधिक ७२ रनको योगदान दिए ।

नेपाललाई ओपनर आसिफ शेख र कुशल भुर्तेलले उत्कृष्ट सुरुवात गरेका थिए । कुशल र आशिफले क्रमशः ५७ र ५२ रन बनाए । आरिफ शेख ३५, विनोद भण्डारी ३, भीम सार्की २ र पवन सरार्फ ३ रनमा आउट भए ।

तल्लोक्रममा करण केसीले अविजित ५३ रनको इनिङ्स खेले । कमलसिंह ऐरी ४५ रनमा अविजित रहे । आठौं विकेटका लागि करण र कमलले उत्कृष्ट साझेदारी गरे ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?