विपद्‍मा परेकाको उद्धारका लागि एकीकृत आकस्मिक सेवा प्रणाली स्थापना गरिने

५ जेठ, काठमाडौं । सरकारले आगलागी, दुर्घटना, डढेलो र आपराधिक क्रियाकलापबाट घाइते हुनेको तत्काल उद्धार गर्ने गरी विशेष कार्यदल बनाउने घोषणा गरेको छ ।

शुक्रबार संघीय संसदको संयुक्त बैठकमा आगामी आर्थिक वर्ष २०८०/८१ को सरकारको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले यस्तो घोषणा गरेका हुन् ।

‘एम्बुलेन्स, दमकल, सुरक्षाकर्मी, स्वास्थ्यकर्मी संयुक्त रुपमा परिचालन हुनेगरी राष्ट्रिय एकीकृत आकस्मिक सेवा प्रणाली स्थापना गरिने छ’ सरकारको नीति तथा कार्यक्रममा भनिएको छ ।