+
+
Shares

आजको सूर्योदयसँगै सकियो यो वर्षको छठ (तस्वीरहरू)

उदाउँदै गरेको सूर्यलाई सोमबार बिहान अर्घ्य दिएपछि चारदिने छठ पर्व सकिएको छ ।

आर्यन धिमाल आर्यन धिमाल
२०८३ कात्तिक ३० गते ७:३१

३० कात्तिक, काठमाडौं । उदाउँदै गरेको सूर्यलाई सोमबार बिहान अर्घ्य दिएपछि चारदिने छठ पर्व सकिएको छ । आइतबार अस्ताउँदै गरेको सूयलाई अर्घ्य दिएका व्रतालुहरूले सोमबार बिहान उदाउँदै गरेको सूर्यलाई अर्घ्य दिएका हुन् ।

काठमाडौं उपत्यकाका नदी किनार र पोखरीहरुबाट पनि व्रतालुले अस्ताउँदो र उदाउँदो सूर्यलाई अर्घ्य दिएका छन् ।

योसँगै सत्य र अहिंसाप्रति मानवको रुचि बढाउने र सबै जीवप्रति सहानुभूति राख्न अभिप्रेरित गर्ने तराईवासीको महान चाडको उल्लास अब सकिएको छ ।

छठ पर्वमा व्रत गरे दुःख र दरिद्रताबाट मुक्ति पाइनुको साथै सन्तान सुख प्राप्ति हुन्छ भन्ने धार्मिक जनविश्वास रही आएको छ ।

२०४६ साल अघिसम्म तराई मधेशका सीमित क्षेत्रमा मनाइने छठले अहिले राष्ट्रिय स्वरूप ग्रहण गरेको छ ।

काठमाडौं उपत्यकामा उल्लासमय वातावरणमा छठ पर्व मनाउने गरिन्छ ।

छठ पर्वको अवसरमा सरकारले यस वर्ष आज सोमबार पनि सार्वजनिक बिदा दिएको छ ।

हेर्नुहोस् काठमाडौंस्थित बागमती नदी किनारको थापाथली क्षेत्रबाट उदाउँदो सूर्यलाई अर्घ्य दिँदै गरेका व्रतालुहरू :

लेखक
आर्यन धिमाल

धिमाल अनलाइनखबरका फोटो पत्रकार हुन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?