१६ कात्तिक, काठमाडौं । इंग्लिस प्रिमियर लिगको म्यानचेष्टर डर्बी भिडन्तमा सिटीले बाजी मारेको छ । आइतबार राति भएको खेलमा सिटीले १० खेलाडीमा सिमित म्यानचेष्टर युनाइटेडलाई १-० गोल अन्तरले पराजित गरेको हो ।
घरेलु मैदान इत्तेहाद स्टेडियममा भएको खेलमा एग्युरोले पहिलो हाफमा दुई मौका खेल फालेका थिए । तर, ३९ औं मिनेटमा क्रिस स्मालिङ रातो कार्ड पाएपछि युनाइटेड १० खेलाडीमा सिमित भयो ।
खेलको ६३ औं मिनेटमा एग्युरोले गोल गरे । उनले क्लिसीको पासमा वनटच गोल गरेका हुन् । खेलमा थप गोल हुन सकेन र सिटी विजयी भयो ।
जितपछि पनि सिटी लिग लिडर चेल्सीभन्दा ६ अंकले पछि रहेर तेस्रो स्थानमा छ ।
