२७ पुस, काठमाडौं । नेपाल पुलिस क्लब पोखरा कप फुटबलको सेमिफाइनलमा प्रवेश गरेको छ । आइतबार भएको क्वाटरफाइनलमा पुलिसले अर्को विभागीय टोली नेपाल आर्मीलाई २-० ले पराजित गरेको छ ।
अब उसले फाइनल प्रवेशका लागि ए डिभिजन लिग च्याम्पियन मानाङ मर्स्याङ्दीको सामना गर्नेछ ।
पोखरा रंगशालामा भएको खेलमा पुलिसले आठौं मिनेटमा जुमानु राईको गोलबाट अग्रता लिएको थियो । ५४ औं मिनेटमा निरकुमार कार्कीले पुलिसको अग्रता दोब्बर पारे ।
खेलमा थप गोल हुन सकेन पुलिस अन्तिम चारमा पुगेको छ ।