अमेरिका ।  अमेरिकामा रहेका नेपाली पत्रकारहरुको संस्था नेपाल अमेरिका पत्रकार संघ नेजाको आउँदो महिना हुन लागेको अधिवेशनको चुनावी सरगर्मी बढेको छ ।

आउँदो मे महिनाको ७ र ८ तारिक हलिउड शहर लसएन्जलसमा हुन लागेको अधिवेशनका लागि पत्रकारहरु चुनावी प्रतिस्पर्धा गर्न अहिलेदेखिनै थालेका छन् ।

नेपाल टेलिभिजनमा लामो समय काम गरेकी रमा सिंहको चर्चा केषाध्यक्षमा छ । महासचिवमा भने अहिलेसम्म विजय घिमिरेको नाम मात्र बाहिर आएको छ ।

नेपालमा रहँदा कान्तिपुर, नागरिकको आर्थिक व्यूरो प्रमुख रहिसकेका र अमेरिकामा रहेर पनि नेपालको पत्रकारितामा निरन्तर सकृय घिमिरेलाई महासचिवमा ल्याउँदा राम्रो टीम हुनेमा नेजाका सदस्यहरु विश्वस्त देखिन्छन् ।